एकैसाथ १७ महिला सगरमाथा आरोहण गर्दै, विश्व रेकर्ड बनाउने

237 Hits

काठमाडौं, १० माघ ।
यस वर्ष नेपाली १७ महिलाले सगरमाथा आरोहण गर्ने भएका छन्। एकैसाथ यति धेरै संख्यामा एकैपटक सगरमाथा चढर उनीहरुले विश्व रेकर्ड बनाउने भएका हुन् ।

सगरमाथा आरोहण गर्न जुटेका महिलाहरुमा गोरखाकी पूर्णिमा श्रेष्ठ, फुन्जो साङ्मु लामा, सोलुखुम्बुकी डोमा शेर्पा, पासाङ ल्हामु शेर्पा, लाक्पा याङ्जी शेर्पा रहेका छन् । त्यसैगरी सोलखुम्बुकै याङ्दी शेर्पा, दोलखाकी दाबुटी शेर्पा, छोकी शेर्पा, दादिकी शेर्पा, काभ्रेकी शर्मिला तामाङ, लक्मी तामाङ पनि रहेका छन् । सगरमाथा आरोहण गर्ने साहसी युवतिहरुमा संखुवासभाकी दिकी शेर्पा, रोशा बस्नेत, प्रियलक्ष्मी कार्की, कल्पना महर्जन, देउराली चाम्लिङ, रोजिता बज्राचार्य पनि रहेका छन् । उनीहरु सबैजना ले आरोहण तयारी गरेका हुन्।
विश्व रेकर्ड कायम गर्दै ६५ वर्षको इतिहासमा विश्वभरका २६ महिलाले मात्रै शिखर चुमेकोमा यस वर्ष एकैसाथ १७ जनाले आरोहण गर्न लागेका हुन्। उनीहरू २०७५ जेठमा आरोहण गर्ने तयारीमा छन्।

सन् १९५३ देखि हिमालसँग मानिसको प्रत्यक्ष सम्बन्ध जोडिए पनि आजसम्म २६ महिला मात्रै सगरमाथा चढ्न सफल भएका छन्। जापानी महिला जुनको तापेइ सगरमाथा आरोहण गर्ने विश्वकै पहिलो महिला हुन् भने सोलुखुम्बुकी पासाङ ल्हामु शेर्पा पहिलो नेपाली महिला हुन्। २०५० सालमा आरोहण गरेकी पासाङको शिखरबाट ओर्लनेक्रममा निधन भएको थियो। संखुवासभाकी लाक्पा शेर्पाले आठौंपटक सगरमाथा आरोहण गरी महिलामा सबैभन्दा धेरैपटक आरोहणको कीर्तिमान बनाइसकेकी छन्। एसियाकै पहिलो अन्तर्राष्ट्रिय गाइड बन्न सफल दोलखाकी दावायाम्जुङ शेर्पा, ओखलढुंगाकी माया शेर्पालगायतले पनि शिखर चुमिसकेका छन्। नेपालमै रहेको सगरमाथामा एकैपटक १७ जना नेपाली युवातिहरुले सगरमाठा चढ्ने सोच बनाएर आफ्नो नाम गिनिज बुकमा मात्र लेखाउने छैनन नेपालकै नाम र नेपालकै पर्यटनमा समेत भारी मात्रामा विश्वमा फैलाउनेछन् ।

Loading...

Related News

४ महिनामा ११ हजार पर्यटक पुगे मनाङ

मनाङ, २५ जेठ । अन्नपूर्ण पदमार्गमा पर्ने मनाङमा गत माघ महीनादेखि वैशाखसम्ममा १० हजार ६०७ विदेशी पर्यटक भित्रिएका छन् ।…

भैरहवा विमानस्थललाई ३ अर्ब ३४ कराेड

काठमाडौँ, जेठ ।  सरकारले गौतमबुद्ध अन्तर्राष्ट्रिय विमानस्थलको निर्माण कार्य सम्पन्न गरी आगामी आर्थिक वर्षभित्र सञ्चालनमा ल्याउने भएको छ ।  हाल…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का