एचआईभी संक्रमितहरुको राष्ट्रिय भेला सम्पन्न, जारी गरे यस्तो घोषणापत्र

534 Hits

चितवन, ८ माघ ।
राष्ट्रिय एचआईभी तथा एड्स महासंघ नेपालले २ दिने एचआईभी संक्रमितहरुको राष्ट्रिय भेला ११ बुदे घोषणापत्र जारी गर्दै होटल ग्लोबल नारायणघाट चितवनमा सम्पन्न गरेको छ ।देशका ७७ वटै जिल्लाका १०० भन्दा बढी एचआईभी संक्रमितहरुद्वारा स्थापित संस्थाका अध्यक्षहरुको उपस्थिती रहेको थियो । सो भेलामा एड्स हेल्थकेयर फाण्डेशन नेपालका राष्ट्रिय कार्यक्रम व्यवस्थापक दीपक ढुङ्गेल, सिसिएम नेपालका संयोजक महेश ढुङ्गेल र सेभ द चिल्ड्रेन ईन्टरनेशनल नेपालको तर्फबाट बरिष्ठ कार्यक्रम संयोजक हेम पौड्याल लगायत दातृ निकायका प्रतिनिधिहरुको उपस्थिती रहेको थियो ।एचआईभी संक्रमितहरुको राष्ट्रिय भेलाले चितवनमा जारी गरेको ११ बुँदे घोषणापत्र यस प्रकार रहेको छ ।
१.  एचआईभी संक्रमितहरुले समुदायबाट भोग्नुपरेका लाञ्छना र भेदभाव न्यूनीकरण गरि गुणस्तरीय उपचारमा समान पहुँचको लागि सूनिश्चितता हुनुपर्ने र राष्ट्रिय एचआईभी तथा एड्स महासंघ नेपालले राज्यले अंगीकार गरेको लक्ष्य प्राप्तीको लागि टेस्ट ट्रिट एण्ड रिटेंसन का लागि पैरवी र नेतृत्व गर्ने । २. ६५ प्रतिशतभन्दा धेरै संक्रमितहरुलाई आफ्नो जीवनकालमा कम्तीमा एकपटक क्षयरोगको संक्रमण हुने गरेको सन्दर्भमा उक्त समस्यालाई समाधान गर्न एकीकृत क्षयरोग एचआईभी कार्यक्रम सबै जिल्लामा लागु गर्ने ।
. महासंघको नेतृत्वमा क्षयरोग–एचआईभी राष्ट्रिय समिती गठन गरी एचआईभी क्षयरोगको सह–संक्रमणलाई रोकथाम तथा उपचार गर्न पहुँच बृद्धिका लागि यस महासंघको राष्ट्रब्यापी सञ्जालद्वारा पहलकदमी लिने । . सुईबाट लागुपदार्थ लिई संक्रमित भएकाहरुमा हेपाटाईटीस सी को संक्रमण दर र सो को कारणले मृत्युदर उच्च देखिएकोले उक्त समस्या निराकरण गर्न गुणस्तरीय उपचार सेवाको पहुँचमा बृद्धि गर्ने ।
. हाल देशभरी रहेका एचआईभी संक्रमितहरुको पृष्ठभूमी हेर्दा ७५ प्रतिशत संक्रमितहरु रोजगारीको सिलसिलामा बसाईँसराई गरि बिदेश जानेहरुमा संक्रमण देखिएको र उनीहरुमा एचआईभी संक्रमण रोक्न र संक्रमितहरुलाई उपचारमा पहुँच पुर्याउन महासंघको नेतृत्वमा राष्ट्रिय समिती गठन गरी राष्ट्रिय निर्देशिका अन्तर्गत उपचार प्रणालीको दायरा भित्र ल्याउने ।
.  बैदेशिक रोजगारमा गएका व्यक्ति र तिनका परिवारहरु संक्रमित हुने मात्र नभई उनीहरुको गरिबीको कारणले दैनिक जीविकोपार्जनमा समस्या देखिएकोले उनीहरुको आर्थिकस्तर उकास्नको लागि विभिन्न सरोकारवाला निकायसंग समन्वय गरि कार्यक्रमहरु दीगो रुपमा सञ्चालन गर्ने । .  खुल्ला सीमानाका कारणले नेपाल र भारतको साझा समस्याको रुपमा रहेको एचआईभी संक्रमण र अन्य रोगहरुको न्युनीकरणको लागि द्विदेशीय सहकार्यको लागि बहुपक्षीय र द्विपक्षीय गोष्ठीहरु सञ्चालन गरि समाधानका लागि पहल गर्ने ।
. संक्रमितहरुमाथि हुने कुनैपनि किसिमका लाञ्छना र भेदभाव हरुलाई अन्त्य गर्न नेपालको संबिधानले मानव अधिकारको लागि प्रदत्त गरेको प्रावधानको कार्यान्वयन सूनिश्चितता गर्ने ।
. एचआईभी संक्रमित र प्रभावित बालबालिकाहरुको आधारभूत आवश्यकताको लागि एड्भोकेसी तथा उनीहरुको लागि उपयूक्त वातावरण तयार गर्ने । १०. निती नियम, स्रोत बाँडफाँड तथा योजना तर्जूमा लगायतका सरोकारवाला सबैखाले निकाय,तहहरुमा संक्रमित समुदायहरुको अर्थपूर्ण सहभागिताको सूनिश्चितता गर्ने । ११. संक्रमितहरुको काममा दक्षता र क्षमता विकास गरि उनीहरुको गरिवी निवारण र आर्थिक स्तर उकास्नको लागि उद्यमशीलता विकास र रोजगारीका अवसरहरु सिर्जना हुने बातावरण तयार गर्ने ।

महासंघका अध्यक्ष अच्युत सिटौलाले चितवन घोषणापत्रलाई सरोकारवाला निकायसँग छलफल गरी सरकारलाई बुझाउने बताउनुभयो । देशभरका झण्डै एक सयजना प्रतिनिधि सहभागी भई दुई दिनसम्म छलफल गरेका थिए । नेपालमा ३३ हजार हाराहारी संक्रमित रहेको अनुमान छ । जसमध्ये २६ हजार दर्ता भएका छन् भने १३ हजारले औषधि सेवन गरिरहेका छन् । कार्यक्रम २०७४ माघ ६ र ७ गते होटल ग्लोबल, नारायणघाट चितवनमा आयोजना गरिएको थियो ।

Loading...

Related News

औषधि : भारतमा फेल नेपालमा बिक्री, के गर्दैछ सरकार ?

काठमाडौं ।  भारतमा उत्पादित गुणस्तर फेल भएका औषधि नेपाली बजारमा खुलेआम रूपमा छ्यापछ्याप्ती बिक्री हुने गरेका छन् । सरकारले प्रभावकारी…

मिर्गौला कति संवेदनशील ? यसरी सकिन्छ मिर्गौला बचाउन

मिर्गौलाको कामहाम्रो शरीरमा दुईवटा मिर्गौला हुन्छन्। तिनले शरीरमा हुने विभिन्न प्रक्रिया हुँदा निस्किने विकारहरूलाई रगतबाट छानेर बाहिर फाल्छन्। मिर्गौलाको एउटा…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी