सावधान नेपाली युवतिहरु केन्यामा बेस्या बनाउन ल्रैजाने गिरोह काठमाडौंमा छ

178 Hits

काठमाडौं,मंसीर/ ।

अफ्रिकी मुलुक केन्याका डान्सबारमा नर्तकी र यौनकर्मीका रूपमा काम गर्ने युवतीको खोजी गर्दै केन्याली नागरिक नै काठमाडौं आउने गरेको खुलेको छ । प्रहरी परिसर काठमाडौंका अनुसन्धान अधिकारीहरूले कात्तिक २३ मा न्युरोडबाट ललित सिंह सुवाललाई पक्राउ गरेपछि यस्तो तथ्य खुलेको हो । प्रहरी स्रोतका अनुसार युवतीको खोजीमा कात्तिक दोस्रो साता कविता नाम गरेकी भारतीय मुलकी केन्याली महिला काठमाडौं आएकी थिइन् । केन्याका डान्सबारमा युवती पठाउने एजेन्टका रूपमा सक्रिय सुवालले दुई युवती खोजिदिएका थिए । तर आफूले भनेजस्तो उचाइ, वर्ण र ढाँचा नमिलेको भन्दै कविताले ती दुई युवती लैजान अस्वीकार गरिन् ।

 

प्रहरी स्रोतका अनुसार सुवालले यसअघि नै दुई युवतीलाई केन्याका डान्सबारमा काम गर्ने गरी पठाइसकेका छन् । सुवालले नेपाली युवतीको फोटोसुट गरिएको तस्बिर ह्वाटसएपमार्फत केन्याली एजेन्टकहाँ पठाउने गर्थे । प्रहरीले केन्याका डान्सबारमा नेपाली युवती पठाउने गिरोह नै सक्रिय भएको सूचनाका आधारमा सुवाललाई पक्राउ गरेको थियो । युवतीको छनोट गर्न केन्याबाटै एक महिला आएको सूचना पाए पनि प्रहरीले तिनलाई भने पक्राउ गर्न सकेन । सुवाल पक्राउ पर्नुभन्दा दुई दिनअघि नै २१ कात्तिकमा केन्याली महिला स्थलमार्ग हुँदै भारत पसिसकेकी स्रोतको दाबी छ । प्रहरीले सुवालको मोबाइलमा केन्या पठाइएका युवतीको तस्बिर पनि फेला पारेको थियो । सुवालको मोबाइलमा केन्याको डान्सबारमा काम गर्ने नेपाली युवतीले पठाएको म्यासेज पनि भेटिएको थियो । नेपाली युवतीले आफूहरूले काम गरेको डेढ महिनासम्मको तलब नपाएको गुनासो सहितको म्यासेज सुवाललाई गरेका थिए । प्रहरीका अनुसार सुवालले एउटा युवती पठाएबापत ५० हजार रुपैयाँ लिने गर्थे । तर जाहेरवालाको अभावमा प्रहरीले सुवालविरुद्धको मुद्दा स्थापित गर्न सकेन । प्रहरी स्रोतका अनुसार पीडितको उजुरी नभेटिएपछि सुवालमाथि अनुसन्धान गर्न प्रहरीले सार्वजनिक अपराध ऐनअन्र्तगत मुद्दा चलाएको थियो । मंसिर १० मा काठमाडौं जिल्ला अदालतले सुवाललाई ५ हजार धरौटीमा रिहा गरिदियो ।

प्रहरीका अनुसार डान्सबारमा नाच्ने काम भनिए पनि धनी ग्राहकहरूको यौन अपेक्षा पूरा गर्ने काम पनि ती युवतीको हुन्थ्यो । त्यही भएर केन्याली डान्सबारका सञ्चालकले आफैंले सुन्दरी युवतीको परिभाषा बनाएका छन् ।
नेपाली एजेन्टका रूपमा कार्यरत सुवालले बयानका क्रममा नेपालबाट पठाइने युवतीको खर्च सबै केन्याकै डान्सबारले बेहोर्ने बताएका थिए । नेपाली युवतीलाई नेपालबाट स्थलमार्ग हुँदै भारत र त्यहाँबाट यूएई हँुदै केन्या पुर्‍याउने गरिन्छ । मासिक डेढ लाख रुपैयाँसम्म कमाइ हुने लोभ देखाएर लगिने युवतीलाई डान्सबारका मालिकले बन्दीको हैसियतमा राख्ने गर्छन् ।केन्या र तान्जानियाको दारेसलाममा रहेको भारतीय सञ्चालक रहेको ६ वटा डान्सबारमा नेपाली युवतीहरू मुजुरा डान्स गर्ने गरेको सूचना प्रहरीले पाएको थियो । प्रहरीले ती नेपाली युवतीको यौनशोषण भएको भन्दै तिनको उद्धारमा इन्टरपोल गुहारेको थियो । २०७१ जेठ दोस्रो साता नेपाल प्रहरीले केन्या र तान्जानियाका डान्सबारमा रहेका नेपाली युवतीको उद्धारमा सघाउन ती मुलुकका इन्टरपोललाई पत्राचार गरेको थियो । प्रहरीका अनुसार लगिएका युवतीलाई डान्सबारका सञ्चालकले ३ सय डलर लिएर एक रात वा दिनका लागि ग्राहकलाई बेच्ने गर्छन् । त्यसरी बेचिएका युवतीलाई एकैदिनमा चारदेखि पाँच जनासँग जबर्जस्ती शारीरिक सम्बन्ध राख्न लगाइन्छ । -कान्तिपुर दैनिकबाट

Loading...

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी